किरण महात्म्य !!

Saturday, November 12, 2011


कामरेड किरण जी क्रान्तिको पर्याय हुनुन्छ । बिद्रोहको अर्थ हुनुन्छ । उहाका आवाजमा बारुद प्रवाह हुन्छ । उहाका बोलिमा गोली पड्कन्छ । उहाँ आगो बाल्न मन परौनु हुन्छ । मसाल बोकेर हिंड्न चाहानुहुन्छ । नारा उहाँको फेवरेट गीत हो । जुलुस उहाँको चाहे जस्तै हिडाइ हो । उहाँ सच्चिकै क्रान्तिको अग्रदुत हुनुहुन्छ । उहाँले फेर्ने सासमा क्रान्ति हुन्छ । उहाँले देख्ने आसमा क्रान्ति हुन्छ । उहाँले खाने गाँसमा क्रान्ति हुन्छ । क्रान्ति को अर्थ किरण कामरेड , किरण कामरेडको अर्थ क्रान्ति । एक अर्काका परिपुरक दुबै । 

त्यसैले उहाँ नेपाली क्रान्तिलाई पूरा गर्ने भागिरथ प्रयत्नमा हुनुहुन्छ । अरुले क्रान्ति पूरा गर्ने सपना देखाए गरेनन । बरु बुर्जुवा हरु सग सम्झौता गरे । प्रतिक्रियाबादी हरुका ससुरा बने अनी शान्तिलाई अपनाए । क्रान्तिलाई सौता हाले । छोरो जनबिद्रोह क्वाँ क्वाँ रोयो सडक मा । यता क्रन्तिका सपना देखाउने हरु शान्ति नकचरी सग हनिमुन मनाउन ब्यस्त छन । शान्तिको हनिमुन मनाउन त होनि अध्यक्छे कामरेड अमेरिका गएका । अमेरिका गएर उहाँ बिदेसी हरुका हनी , माइ डार्लिङ बनेर फर्कनु हुनेछ । यता कमरेड किरण ट्र्याजेटि मुडमा हुनुहुन्छ । शान्ति प्रिया लाई काखी च्यापेर अधेक्छे कामरेडले क्रान्ति प्रियालाई धोका दिएको उहाँको ठम्याइ छ । त्यसैले त क्रान्ति प्रिया लाई अगालेर उहाँ घुक्क घुक्क रुदै हुनुहुन्छ । त्यस बजिया ले यस्तो आउलाउ खाउ खाउ जस्तो उमेरमा छाडेर अर्की काखी च्यापेर हिड्यो । त्यसलाई मैले जानेको छु । तर प्रिया तिमी सुर्ता नलेउ । तीनले छोडेर केही हुन्न । तिम्रो म छु प्रिया । म तिम्रो जवानी त्यसै खेर जान दिने छैन । मलाइ बिश्वास गर , क्रान्ति प्रिया । तिम्रो म छु । किरण सुड्डो आजकाल क्रान्ति प्रेमी बनिरहेका छन । बुढो तनमा केटौले जोस उमारी क्रान्तिको जवानी खेर जान नदिने कसम खैरहनु भएको छ। आफूले टेकिराखेको लठ्ठि ले आकासको तारा झर्ने प्रण गर्दै हुनुहुन्छ । तर बुढा किरणले आफ्नो जवानी सजाउलान भन्नेमा क्रान्ति आफै बिस्वस्त हुन सकिरहेकी छैन । बुढाको जवानी जस्तो बैरागलाग्दो र कुरुप कुरा सन्सार्मा के होला ? बिचरी क्रान्ति र उसकी जवानी । तर किरण कामरेडको कुरा बेग्लै छ । तन बुढो भए नी मन बुढो हुन्न भन्ने उहाँको ठम्याइ छ । अझै उहाँलाई रुकुम रोल्पामा क्रान्ति प्रिया सग डेटिङ जाने रहर छ। फेरि जनबिद्रोहको बिगुल बजाएर । रगत को सिन्दुर हाल्ने उहाँलाई रहर जागेको छ । र उनी बाट फेरि हजारौ लडाकु जन्माउने उहाँको सपना छ । उहाँ अदक्षे कामरेड सग छुट्टिएर क्रान्ति प्रियालाइ आफ्नी बनाउन चाहानु हुन्छ । तर क्रान्ति प्रियाले नै उहाँलाई साथ देलिन जस्तो छैन । किरण कामरेडको बुढ्यौली उन्मादलाई उनले विश्वाश गरेकी छैन । क्रन्तिकै लागि घरबार छोड्नु अदक्षे कामरेड सग नाता तोड्नु । फेरि क्रान्ति प्रिया ले पनि उहाँलाई साथ् नदिनुले उहाँ ठुलो ट्र्याजेटि पार्ने निस्चित छ तै पनि उहाँ कति पनि बिचलित हुनुहुन्न र एकोहोरो क्रान्तिको पिछा गरिरहुनु भएको छ । उहाँ क्रान्तिको दिवाना हुनुहुन्छ । साच्चै भनुम भने उहाँ पागल प्रेमी भन्दा कम्ती हुनुहुन्न । साच्चै भनुम भने उहाँ एउटा अजिव पात्र हुनुहुन्छ । उहाँको शास्त्रिय चिन्तन बढो चाख लाग्दो छ । त्यसैले जनमानस मा उहाँ बारे थुप्रै किम्बदन्तीहरु पाईन्छ यहाँ तिनै किम्बदन्ती हरुलाई प्रस्तुत गरिएको छ ।  
-कामरेड किरणले मार्क्सबादका आधारभुत कुरा हरु गर्भमै जान्नु भयो रे । ब्रतबन्ध गर्दा उहाँलाई "दाश क्यापिटल " कण्ठ थियो रे !!
-नेपालमा कम्युनिस्ट पार्टी हरु जति भए पनि तिनीहरु जम्मा दुई प्रकार का छन एक किरण कामरेड , दुई बाँकी सबै कम्युनिस्ट हरु !!
-किरण कामरेड लिफ्ट चड्नु हुन्न र अग्ला अग्ला भवन मा पनि भर्याङ् नै प्रयोग गर्नु हुन्छ । किनकी लेनिन लिफ्ट चड्नु हुन्न थियो (लेनिन को समयमा लिफ्ट नै हुदैनथियो )र भर्याङ चड्नुहुन्थ्यो ।
- किरण कामरेड कुनै पनि दस्ताबेज तयार गर्दा तेस्रो पेजको दोस्रो अनुच्छेदमा दुई लाइन केर्नु हुन्छ रे । किनकी कम्युनिस्ट पार्टीको घोषणापत्र तयार गर्दा कार्ल मार्क्स ले पनि यहि नेर दुई लाइन केर्नु भएको थियो रे ।
 -किरण कामरेड जाडोमा पंखा चलाएर र गर्मिमा हिटर बालेर बिरोध प्रदर्शन गर्नु हुन्छ । नेपाली क्रन्तिमा उहाँको यो मैलिक प्रयोग हो ।
- एक दिन सपनामा उहाँले फ्रेडरिक एङ्गेल्सलाई भेट्नु भएछ । त्यस दिन उहाँ संशोधनबादी गद्दार भन्दै बर्बराउनु भएछ । उहाँ ब्युँझे पछि सोद्धा थाहा भएछ । मार्क्सबादको व्याख्याको क्रममा एङ्गेल्सले सत्ता को ठाउँमा सरकार भन्नु भएछ - माओवादीको पार्टी कार्यालय बुद्धनगर बाट पेरिसडाँडा सारेको किरण कामरेडकै करले हो रे । किनकी कामरेड किरण गोङ्बु बस्नु हुन्छ । गोङबु बाट बुध्दनगर दक्षिण पर्छ । त्यसैले पार्टी कार्यालय जाँदा उहाँलाई दक्षिण तर्फ हिड्नु पार्ने हुन्थ्यो दक्षिण तर्फ हिड्दा दक्षिणपन्थी होइन्छ भन्ने उहाँको मान्यता थियो ।
 - किरण कामरेडले अब दुध चिया नपिउने अरे किन की प्रचन्ड बाबुरामले प्रतिक्रियाबादिहरुसग बसेर दुध चिया पिउनु भयो रे ।




No comments:

 

केही भन्नु छ ?

Name

Email *

Message *

चिर्बिराहट

धेरै पढिएका