गर्नु गर्यौ बाबुराम मुसा खाएर

रातदिनको भागदौड , व्यस्तता , तनाव र छटपटीबाट थकित उहा गत साता मुसाको खोजीमा निस्कनु भएछ | थारु बस्तीमा भेट्नुभएछ र टन्न मुसा खाएर फर्कनु भएछ | मुसा पनि भुत्लै सहित कहा हो र ? चट्ट भुत्ला खुइलाएर काटेर नुन , मसला , खुर्सानी हालेर साँधेको | अचार मुसा | हुन त खान्की भनेको व्यक्तिको इच्छा मा भर पर्ने कुरा हो | कसैले के खायो खाएन भन्ने कुरा अरुको चिन्ता र चासोको बिषय होइन तैपनी उहाँलाइ     “सु~~~~री !” भनेर बोलाउन मन लागेको छ | कारण उहाँ पहिल्यै देखि सुरो मान्छे त्यसमाथी मुसा खाएका | मुलुकमा पहिलो पटक प्रधानमन्त्रीले मुसा खानु भएको छ | उहाँले बाघै मारेर खानु भएको होइन | सिंह मारेर खानु भएको होइन | हात्ती , चितुकाको कुरा छोडुम | स्यालै सम्म पनि खानु भएको हैन | खानु भएको जाबो मुसा हो | तर चर्चा भने हात्ती , सिंह खाए भन्दा नी ठुलो भयो | हुन पनि ठुलाबडाले ठुलै कुरा खानु भएको भए त के चर्चा ? चर्चा भयो नै सानो कुरा खाएर |

मलाई भन्नुहुन्छ भने बाउराम कामरेडले मुसा खाएको त्यति चित्त बुझेको छैन | कताकता कुरीकुरी लागेको छ | सामान्य जनताको छोरा भएर हाम्रो प्रधानमन्त्रीको रुपमा सत्तामा पुगेका उहा | पुर्व सामन्ती सासक भन्दा कम्ताको हुनुहुन्न थियो | उहाँको कम्ताको हुनु भनेको सर्वासाधारण जनता कम्ताको हुनु हो | र सामन्ती सासक हरुका अगाडी जनताको इज्यत जानु हो | पहिलेका शासक अर्थात राजा महाराजाहरु सिकारमा निस्कन्थे भन्ने कुरा हामीले विभिन्न इतिहास तथा कथाका किपातहरुमा पढ्दै आएका छौ | उनिहरु बाघ मारेर खान्थे | तर हाम्रा बाउराम कामरेडले भने मुसा खानु भयो त्यहि पनि आफैले सिकार गरेर कहाँ हो र ? अर्काले मारेर अचार बनाइँ सकेको मुसा | अर्को मनले सोच्दा यसो रमाइलो पनि लाग्छ | हाम्रा प्रधानमन्त्रिले सामन्ती राजाहरुले  जस्तो बाघको सिकार गर्नु भएन | बरु मुसा खानु भो | त्यसैले उहालाई तारिफ गर्न पनि मन लागेर आउछ कि उहाले राजसी ठाँट देखाउनु भएन |

तारिफ र आलोचनाको बेग्ला बेग्लै पाटो होलान तर यसको राजनीतिक पाटो केलाउदा खेरि भने उहालाई राजनीतिक रुपमा चै घाटा लागेको देखिन्छ | अब प्रधानमन्त्रीले मुसा खान थाले पछी मुसाहरुलाई यसले चिन्तित तुल्याएको छ | उनिहरु प्रधानमन्त्री देखि क्रुद्द र चिन्तित देखिएका छन | उनीहरुले आफ्नो अस्तित्व संकटमा परेको महसुस गरेका छन र एकाएक उनीहरु प्रतिपक्षी कित्तामा उभिएका छन | यता बिरालाहरु पनि उहाले मुसा खाएको कुरामा उति संतुस्ठ छैनन | अब प्रधानमन्त्री नै मुसाभक्षी भएर निस्किएको अवस्थामा बिरालाहरुले आफ्नो आहार घटेको महसुस गरेका छन | सत्ताधारीहरुको खवाईको आनिबानीलाइ नियाल्दा निकट भविस्यमै आफुहरुले भोकमरीको सामना गर्नु पर्ने सम्भावनाले उनीहरुलाई चिन्तित तुल्याएको छ | प्रधानमन्त्रीले मुसा खाए हामीले चै के खाने | भन्ने चिन्ता एकातिर छ भने | प्रधानमन्त्रीले नै मुसा खाइदिए पछी किसानले आफु हरुलाई नपाल्ने चिन्ताले बिरालाहरु सारै त्रसित भएका देखिन्छन | र मौका मिले प्रतिपक्षी साग मिलेर आन्दोलन छेड्ने सुर मा देखिन्छन उनीहरु |

किसानहरुलाई भने प्रधानमन्त्रीले मुसा खाइदिदा खुदो भएको छ | अब मुसा खानको लागी बिरालो नपाल्न पर्ने भो | धन्न बाउराम तब न किसानका नेता किसानका प्रधानमंत्री | गर्नु गर्यौ बाबुराम मुसा खाएर |