भरे बेलुका पानी पर्‍यो भने ??

त्यतिबेला एक्कासी मेघ गड्गडाउने छ 

बिजुली चम्किने छ

र झपक्कै छोप्ने छ कालो बादलले

हेर्नको लागि आकाश हुने छैन

गन्नको लागी तारा हुने छैन

साच्चै भरे बेलुका पानी पर्‍यो भने

के सोचेर बस्ने होला ,

कुन गीत सुन्ने होला ?

बलेसिमा भेल चल्ने छन

निथ्रुक्क पार्ने छन बाछिटाहरुले

साँझ परेसी बस्तुभाउ बास पसे झै 

तछाड्मछाड छिर्ने छन यादहरु

बर्षातको चिसोमा सल्कन्छन यादहरु

र  पोल्नेछन  भतभती  

साच्चै भरे बेलुका पानी पर्‍यो भने

कुन यादमा तड्पने होला,

कुन लेबल पिउने होला ?