नेतृत्वको योग्यता

Thursday, October 28, 2010

गिर्जाउ स्वर्गे भएसी एकपटक आकाशै खसे जस्तो भा’थ्यो । जसले गर्दा सुजु दिज्यु र प्रचण्ड कामरेड मात्रै हैन झण्डै झण्डै पुरै मुलुक नै टुहुरो र अभिभावक विहिन भा’थ्यो । मुलुकमा एउटा विरक्त लाग्दो रिक्तता छाएको थियो । पछि त्यो रिक्तता विस्तारै पुरिन थाल्यो । तैपनि गिर्जाउले नेतृत्व गर्नु भएको पार्टी कांग्रेसमा चाही नेतृत्व कसले लेला भनेर खुब जिज्ञासा भइ रह्यो । जब मुलुक कै पुरानो पार्टी कांग्रेसमा सानो तिनो नेतृत्वले के काम गर्ला र ? अब ठुलै नेतृत्व दिन सक्ने त्यस्तो ठुलो मान्छे कहाँ पो जन्मेको होला र ?
गिर्जाउको निधन पछि आफु गिर्जाउको सच्चा उत्तराधिकारी भन्दै नेता त्रय देखा परे । कसैले भने मेरो स्वभाव ठ्याक्कै गिर्जाबाबुको छ त्यसैले नेतृत्व मैले गर्नु पर्छ । कसैले भने मेरो अनुहार ठ्याक्कै गिर्जाउको जस्तो त्यसै कुरा यता उति हुँदै होइन नेतृत्व त मैले पो गर्नु पर्छ त । ‘अ त्यस्तो भनेर कहाँ हुन्छ, म त गिर्जाउको कोइराला फेम्ली कै मान्छे, कुल खानदान र परम्परा अनुसार मैले पो गर्नु पर्छ त कांग्रेसको नेतृत्व त ।
भन्देखिनलाई ह्वा जस्तै सभापति मैले पनि चलाई सकेको, ह्वाले जस्तै प्रधानमन्त्री दुइ तिन पटक मैले पनि खाइसकेको ह्वासँग ठ्याक्कै स्वभाव त मेरो पो मिल्छ त फेरी सभापतिको दौरा सुरुवाल पनि सिलाई सकेको हुँदा फेरी सिलाई रहनु पनि परेन । भन्देखिनलाई नेतृत्व अरुले गर्ने त कुरै आएन नी । भन्नेहरु पनि निस्किए केही आफ्नो नाक र गिर्जाउको नाक ठ्याक्कै मिल्ने भन्न थाले । कोही आफ्नो दाँत र गिर्जाउको दाँत ठ्याक्कै मिल्ने भन्न थाले । कोही गिर्जाउको तालु र आफ्नो ठ्याक्कै उस्तै उस्तै भएको र सभापति आलु आफ्नै उर्भर तालुमा फलाउनु पर्छ भन्न थाले । यस्तै यस्तै तवरले नेतृत्व दावीका क्रममा कांग्रेसको महाधिवेशन भयो । नेतृत्वमा आउन भो सुसिल ।
सुसिल जी नेतृत्वमा आए पछि उहाँमा एक पछि अर्को योग्यता देखिदै गएका छन् । एक त उहाँ कोइराला फेम्लीका, पि पी र गिर्जाउका भाई सुजाताका काका । अर्को त देश युवाले हाक्नु पर्ने आवाज उठिरहेका बेला कपालदारी फुलेका, गाला चाउरिएका र दाँत फुक्लिएका जोसिला युवा नेता त्यो भन्दा ठुलो कुरा गिर्जाउ बेडमा सुती अक्सिजनको सिलिण्डर समातेर पार्टी देश चलाउनु हुन्थ्यो । सुसिलजी पनि सभापति भएकै थिएन अस्पताल पुग्नु भो र अक्सिजन सिलिण्डर समाउनु भो अब चै ढुक्क छ कि उहाँले पार्टी मज्जैले चलाउन हुन्छ ।
Post a Comment
 

केही भन्नु छ ?

Name

Email *

Message *

चिर्बिराहट

धेरै पढिएका